ଆସନ୍ତା ଜାନୁୟାରୀ ୯ ରୁ ୩୧ ତାରିଖ ପର୍ଯ୍ୟନ୍ତ କାଳିଆ ଛାତ୍ରବୃତ୍ତି ପାଇଁ ପଞ୍ଜୀକରଣ କରାଯାଇପାରିବ । ବହୁ ସଂଖ୍ୟକ ଛାତ୍ରଙ୍କ ଭବିଷ୍ୟତର ସୁରକ୍ଷା ନିମନ୍ତେ ଏହା ଏକ ବର୍ଦ୍ଧିତ ପରିବର୍ତ୍ତନର ମାର୍ଗ ବୋଲି ମାନ୍ୟବର ମନ୍ତ୍ରୀ ଶ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ଏକ ସାମ୍ବାଦିକ ସମ୍ମିଳନୀରେ ମତ ରଖିଛନ୍ତି । କାଳିଆ ସ୍କଲାରସିପ/ ଛାତ୍ରବୃତ୍ତି ସର୍ବାଧିକ ସଂଖ୍ୟକ ଛାତ୍ରଙ୍କୁ ସେମାନଙ୍କ କ୍ୟାରିୟର ଗଢିବା ପାଇଁ ଆର୍ଥିକ ସୁବିଧା ବଢ଼ାଇବ ଏବଂ ଛୋଟ ଓ ମାର୍ଜିନାଲ୍ କୃଷକ ଏବଂ ଭୂମିହୀନ କୃଷି ପରିବାରକୁ ସେମାନଙ୍କ ପିଲାମାନଙ୍କର ଉଚ୍ଚଶିକ୍ଷାରେ ଉନ୍ନତ ସୁବିଧା ଦେଇ ସେମାନଙ୍କ ପରିବାରକୁ ସଶକ୍ତ କରିବାରେ ସହାୟତା କରିବ ।ଏହି ପ୍ରେସ କନ୍ଫରେନ୍ସ ରେ ମୁଖ୍ୟ ଶାସନ ସଚିବ ଡ. ଅରବିନ୍ଦ କୁମାର ପାଢୀ,କୃଷି ଏବଂ ଖାଦ୍ୟ ଉତ୍ପାଦନ ନିର୍ଦ୍ଦେଶକ ଶ୍ରୀ ପ୍ରେମ ଚନ୍ଦ୍ର ଚୌଧୁରୀ ଏବଂଉଦ୍ୟାନ କୃଷି ନିର୍ଦ୍ଦେଶକ ଶ୍ରୀ ରୋହିତ କୁମାର ଲେଙ୍କା ଉପସ୍ଥିତ ଥିଲେ ।
ଏହି ଛାତ୍ରବୃତ୍ତିର ଯୋଗ୍ୟ ଛାତ୍ରମାନେ ନିମ୍ନରେ ଦିଆଯାଇଥିବା ଅନଲାଇନ ସାଇଟ୍ ମାଧ୍ୟମରେ ଆବେଦନ କରିପାରିବେ : https://scholarship.odisha.gov.in