ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନଭେମ୍ବର ୧୫ ରେ ପିଏମ୍ କିଷାନ ସମାନ ନିଧି ଯୋଜନାର ୧୫ତମ କିସ୍ତି ଜାରି କରିଛନ୍ତି। ସେ ଏହି କିସ୍ତି ମାଧ୍ୟମରେ ଦେଶର କ୍ଷୁଦ୍ର ଚାଷୀଙ୍କୁ ଏକ ବଡ଼ ଉପହାର ଦେଇଛନ୍ତି । ଝାଡ଼ଖଣ୍ଡର ଖୁଣ୍ଟିରୁ ଚାଷୀଙ୍କ ପାଇଁ କିସ୍ତି ଜାରି କରି ଡିବିଟି (ଡାଇରେକ୍ଟ ବେନିଫିଟ ଟ୍ରାନଷ୍ଫର୍ ) ମାଧ୍ୟମରେ ଦେଶର ୮ କୋଟି ଚାଷୀଙ୍କ ଆକାଉଣ୍ଟକୁ ଦୁଇ ହଜାର ଟଙ୍କା ହସ୍ତାନ୍ତର କରିଛନ୍ତି।
ଏହା ପୂର୍ବରୁ ୨୦୨୩ ଜୁଲାଇ ୨୭ ରେ ପିଏମ ମୋଦି ଗୁଜୁରାଟ ରେ ପ୍ରଧାନମନ୍ତ୍ରୀ କିଷାନ ସମାନ ନିଧି ଯୋଜନାର ୧୪ ତମ କିସ୍ତି ଜାରି କରିଥିଲେ , ସେତେବେଳେ ୩.୫ କୋଟି ଚାଷୀ ଙ୍କ ବ୍ୟାଙ୍କ୍ ଖାତା ରେ ୧୭ ହଜାର କୋଟି ଟଙ୍କା ହସ୍ତାନ୍ତର କରାଯାଇଥିଲା । ପ୍ରଧାନମନ୍ତ୍ରୀ କିସାନ ନିଧି ଯୋଜନା ଅଧୀନରେ କେନ୍ଦ୍ର ସରକାର ପ୍ରତି ଚାରିମାସରେ ଚାଷୀଙ୍କ ଆକାଉଣ୍ଟକୁ ୨୦୦୦ ଟଙ୍କା କିସ୍ତି ସ୍ଥାନାନ୍ତର କରିଥନ୍ତି । ଏହି ଯୋଜନା ଅନୁଯାୟୀ ଚାଷୀଙ୍କୁ ବାର୍ଷିକ ୬ ହଜାର ଟଙ୍କା ୩ ଟି କିସ୍ତି ରେ ଦିଆଯାଏ। ପ୍ରଥମ କିସ୍ତି ଏପ୍ରିଲ୍ ରୁ ଜୁଲାଇ ମଧ୍ୟରେ, ଦ୍ୱିତୀୟ କିସ୍ତି ଅଗଷ୍ଟ ରୁ ନଭେମ୍ବର ଏବଂ ତୃତୀୟ କିସ୍ତି ଡିସେମ୍ବର ରୁ ମାର୍ଚ୍ଚ ମଧ୍ୟରେ ଜାରି ହୋଇଥାଏ ।
