ଛେନାପୋଡ଼ର ସାଂସ୍କୃତିକ ଓ ଐତିହାସିକ ମହତ୍ତ୍ୱକୁ ଉଜାଗର କରେ। ଏହା ଓଡ଼ିଶାର ପରିଚୟ ସହିତ ଜଡ଼ିତ ଏକ ମିଠା ଯାହା ରାଜ୍ୟ ତଥା ରାଜ୍ୟ ବାହାରେ ମଧ୍ୟ ଲୋକପ୍ରିୟ। ଛେନାପୋଡ଼ ଦିବସ ପ୍ରତିବର୍ଷ ଏପ୍ରିଲ ୧୧ ତାରିଖରେ ପାଳନ କରାଯାଏ, ଯାହା ଏହି ଖାଦ୍ୟର ଉତ୍ପତ୍ତି ଓ ଗୁରୁତ୍ୱକୁ ସ୍ମରଣ କରାଇଥାଏ। ଛେନାପୋଡ଼ର ଉତ୍ପତ୍ତି ଓଡ଼ିଶାର ନୟାଗଡ଼ ସହରରେ ହୋଇଥିଲା ବୋଲି ବିଶ୍ୱାସ କରାଯାଏ। ୧୯୪୭ ମସିହାରେ ନୟାଗଡ଼ର ଜଣେ ମିଠା ବ୍ୟବସାୟୀ ସୁଦର୍ଶନ ସାହୁ ଏହାକୁ ପ୍ରଥମେ ପ୍ରସ୍ତୁତ କରିଥିଲେ। ଛେନାପୋଡ଼ ଓଡ଼ିଶାର ଖାଦ୍ୟ ସଂସ୍କୃତିର ଏକ ଅବିଚ୍ଛେଦ୍ୟ ଅଙ୍ଗ। ଏହା ବିବାହ, ପୂଜା, ଉତ୍ସବ ଓ ଅନ୍ୟାନ୍ୟ ସାମାଜିକ ଉତ୍ସବରେ ଅତ୍ୟନ୍ତ ଲୋକପ୍ରିୟ।
ଛେନାପୋଡ଼ ଓଡ଼ିଶାର ମିଠା ଶିଳ୍ପରେ ଏକ ବଡ଼ ଭୂମିକା ଗ୍ରହଣ କରିଛି। ନୟାଗଡ଼ ସମେତ ରାଜ୍ୟର ଅନେକ ସ୍ଥାନରେ ଏହା ବ୍ୟବସାୟୀଙ୍କ ପାଇଁ ଆୟର ଏକ ପ୍ରମୁଖ ଉତ୍ସ। ଏହା ଦେଶ ଓ ବିଦେଶରେ ମଧ୍ୟ ରପ୍ତାନି ହେଉଛି। ଏହି ଦିବସ ଛେନାପୋଡ଼ର ଐତିହ୍ୟକୁ ପ୍ରୋତ୍ସାହିତ କରିବା ସହିତ ଓଡ଼ିଶାର ଖାଦ୍ୟ ସଂସ୍କୃତିକୁ ବିଶ୍ୱବ୍ୟାପୀ ପରିଚିତ କରାଇବାରେ ସହାୟକ ହୁଏ। ଏହି ଦିନ ବିଭିନ୍ନ ସ୍ଥାନରେ ଛେନାପୋଡ଼ ପ୍ରସ୍ତୁତି ପ୍ରତିଯୋଗିତା, ଖାଦ୍ୟ ମେଳା ଓ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୁଏ। ଏହି ଦିବସ ଓଡ଼ିଆ ଖାଦ୍ୟ ସଂସ୍କୃତିକୁ ପ୍ରୋତ୍ସାହନ ଦେବା ସହିତ ନୂଆ ପିଢ଼ିଙ୍କୁ ଏହାର ଇତିହାସ ଓ ମହତ୍ତ୍ୱ ବିଷୟରେ ଶିକ୍ଷା ଦେଇଥାଏ।
ଉପସ୍ଥାପନା- ଦିବ୍ୟାଭାରତୀ ନାୟକ