ମାଟିର ଅମ୍ଳ ପରୀମାପକ ବା ଆମ୍ଲତା ୬.୫ ରୁ କମ ହେଲେ ସେହି ମାଟିକୁ ଅମ୍ଳ ମାଟି କୁହାଯାଏ। ଆମ ଓଡ଼ିଶାର ୭୦ ଭାଗ ମାଟି ଆମ୍ଳୀୟ ହୋଇଥାଏ। ଅମ୍ଳ ମାଟିରେ ଅଧିକ ମାତ୍ରାରେ ଲୁହା, ମାଙ୍ଗାନିଜ ଓ ଆଲୁମିନିୟମ ରହିଥାଏ ଯାହାକି ଗଛ ପାଇଁ ବିଷାକ୍ତ ଅଟେ। ଅମ୍ଳ ମାଟିକୁ ଚାଷ ଉପଯୋଗୀ କରିବା ପାଇଁ ଅନେକ ଗୁଡ଼ିଏ ପଦକ୍ଷେପ ନେଇପାରିବା। ଜୈବିକ ଅଂଶ ବଢ଼ାଇବା ପାଇଁ ଏକର ପ୍ରତି ୫-୬ ଓଢ଼ ସଢ଼ା ଗୋବର ଖତ ପ୍ରତ୍ୟେକ ଫସଲ ଚାଷ ପୂର୍ବରୁ ପ୍ରୟୋଗ କରନ୍ତୁ। ଯବକ୍ଷାରଜାନ ଓ ଜୈବସାର ମାତ୍ରା ବଢ଼ାଇବା ପାଇଁ ସବୁଜ ଖତ ପ୍ରୟୋଗ କରନ୍ତୁ।
ମାଟିରେ ଅମ୍ଳତା ଭାଗ ଅଧିକା ରହିଲେ ଚାଷ ବାଧାପ୍ରାପ୍ତ ହୋଇଥାଏ, ଯାହାପାଇଁ ଚାଷୀଭାଇମାନେ ଅସୁବିଧାରେ ସମ୍ମୁଖୀନ ହୋଇଥାନ୍ତି। ଅମ୍ଳ ମାଟିକୁ ସୁଧାର କରିବା ପାଇଁ ଏଥିରେ ମଞ୍ଜି ବୁଣିବାର ୪ ସପ୍ତାହ ଆଗରୁ ମାଟି ପରୀକ୍ଷା ରିପୋର୍ଟ ଅନୁସାରେ ଚୂନ ବା କାଗଜ କଳ ମଇଳା ଗୁଣ୍ଡ ପ୍ରୟୋଗ କରିବା ଉଚିତ୍। ଚୂନ କିମ୍ବା ଚୂନ ଜାତୀୟ ପଦାର୍ଥ ନମିଳିଲେ ରକ ଫସଫେଟ ଗୁଣ୍ଡ ଓ ସିଙ୍ଗଲ ସୁପର ଫସଫେଟ ସାର ମିଶ୍ରଣ ମାଟିରେ ଶେଷ ଓଢ ଚାଷ ସମୟରେ ପ୍ରୟୋଗ କରନ୍ତୁ।
ଉପସ୍ଥାପନା – ଦିବ୍ୟା ଭାରତୀ ନାୟକ
