ପୂର୍ବତନ ପ୍ରଧାନମନ୍ତ୍ରୀ ତଥା କୃଷକ ନେତା ଚୌଧୁରୀ ଚରଣ ସିଂ ଏବଂ ଜଣେ ଦକ୍ଷ ବୈଜ୍ଞାନିକ ତଥା ସବୁଜ ବିପ୍ଳବର ଜଣେ ବିଶ୍ୱସ୍ତରୀୟ ନେତା ଭାବରେ ପରିଚିତ ଏମଏସ ସ୍ଵାମୀନାଥନଙ୍କୁ ସର୍ବୋଚ୍ଚ ବେସାମରିକ ସମ୍ମାନ ‘ଭାରତ ରତ୍ନ’ ପ୍ରଦାନ କରାଯିବ । ଆମ ଦେଶରେ କୃଷି ଓ କୃଷକଙ୍କ କଲ୍ୟାଣରେ ଉଲ୍ଲେଖନୀୟ ଅବଦାନ ପାଇଁ ଭାରତ ସରକାର ଭାରତ ରତ୍ନ ସହ ଏହି ଦୁଇ ମହାନ ବ୍ୟକ୍ତିଙ୍କୁ ସମ୍ମାନୀତ କରିଛନ୍ତି ।
ଭାରତର ପୂର୍ବତନ ପ୍ରଧାନମନ୍ତ୍ରୀ ଚୌଧୁରୀ ଚରଣ ସିଂ ଦେଶର ଜଣେ ପ୍ରଭାବଶାଳୀ କୃଷକ ନେତା ଭାବରେ ବିବେଚିତ ହୋଇଥିଲେ । ପ୍ରଧାନମନ୍ତ୍ରୀ ଥିବା ସମୟରେ ସେ କୃଷକଙ୍କ ସ୍ବାର୍ଥରେ ଏପରି ଅନେକ ନିଷ୍ପତ୍ତି ନେଇଥିଲେ, ଯାହା ଆଜି ବି ସ୍ମରଣୀୟ । ସେ କୃଷି ଓ କୃଷକଙ୍କ ହକ୍ ପାଇଁ ଲଢିଥିଲେ । କୃଷି କ୍ଷେତ୍ରରେ ତାଙ୍କ ଅବଦାନକୁ ଅବିସ୍ମରଣୟ କରିବା ପାଇଁ ଆଜି ବି ତାଙ୍କ ଜନ୍ମ ଦିବସକୁ ଜାତୀୟ କୃଷକ ଦିବସ ଭାବେ ପାଳନ କରାଯାଉଛି । ସେହିପରି ଜଣେ ମହାନ୍ ନେତା ଏମଏସ ସ୍ଵାମୀନାଥନ୍ ଯିଏକି ସବୁଜ ବିପ୍ଳବର ଜଣେ ବିଶ୍ୱସ୍ତରୀୟ ନେତା ଥିଲେ । ଗହମ ଓ ଚାଉଳର ଉଚ୍ଚ ଅମଳକ୍ଷମ କିସମର ପରିଚୟ ତଥା ଆଗକୁ ବଢାଇବାରେ ତାଙ୍କର ନେତୃତ୍ବ ତଥା ଭୂମିକା ଗୁରୁତ୍ଵପୂର୍ଣ୍ଣ ଥିଲା । ସେଥିପାଇଁ ତାଙ୍କୁ ସବୁଜ ବିପ୍ଳବର ମୁଖ୍ୟ ସୁପତି ବୋଲି କୁହାଯାଏ । ଭାରତକୁ କୃଷି କ୍ଷେତ୍ରରେ ଆତ୍ମନିର୍ଭରଶୀଳ କରିବାରେ ତାଙ୍କର ଅବଦାନ ମହାନ ଥିଲା । ସେ ଭାରତୀୟ କୃଷିକୁ ଆଧୁନିକୀକରଣ ଦିଗରେ ଏକ ଉତ୍କୃଷ୍ଟ ଉଦ୍ୟମ କରିଥିଲେ । ଏକ ଅଭିନବ ତଥା ପରାମର୍ଶଦାତା ତଥା ବହୁ ଛାତ୍ରଙ୍କ ମଧ୍ୟରେ ଶିକ୍ଷା ଓ ଅନୁସନ୍ଧାନକୁ ଉତ୍ସାହିତ କରିବାରେ ତାଙ୍କର ଅମୂଲ୍ୟ କାର୍ଯ୍ୟକୁ ମଧ୍ଯ ସମ୍ମାନ ଦିଆଯିବା ଉଚିତ୍ । ଡକ୍ଟର ସ୍ବାମୀନାଥନଙ୍କ ଦୂରଦୃଷ୍ଟିସମ୍ପନ୍ନ ନେତୃତ୍ୱ କେବଳ ଭାରତୀୟ କୃଷିକୁ ପରିବର୍ତ୍ତନ କରିନାହିଁ ବରଂ ଦେଶର ଖାଦ୍ୟ ସୁରକ୍ଷା ଏବଂ ସମୃଦ୍ଧତାକୁ ମଧ୍ୟ ସୁନିଶ୍ଚିତ କରିଛି । ତେବେ ଭାରତ ସରକାରଙ୍କ ଏହି ଉଭୟଙ୍କୁ ଭାରତ ରତ୍ନ ସହ ସମ୍ମାନୀତ କରିବା ନିଷ୍ପତ୍ତି ଏକ ଆଦର୍ଶନୀୟ ପଦକ୍ଷେପ ବୋଲି ବିବେଚନା କରାଯାଉଛି ।