ଏଥର ଓଡ଼ିଶାରେ ବର୍ଷାର ଅଭାବ ଦେଖାଦେବ। ୪ରୁ ୫ଟି ଜିଲ୍ଲାକୁ ଛାଡ଼ି ଦେଲେ ସାରା ଓଡ଼ିଶାରେ ସ୍ୱାଭାବିକଠାରୁ କମ୍ ବର୍ଷା ହେବ। ଅନୁଗୁଳ, ଢେଙ୍କାନାଳ, ଗଞ୍ଜାମ, କେନ୍ଦୁଝର, ସମେତ ଛତିଶଗଡ ଓ ଝାଡଖଣ୍ଡ ସୀମାନ୍ତ ଜିଲ୍ଲାଗୁଡିକର କିଛି ଅଂଶ, ମାଲକାନଗିରିର କେତେକ ସ୍ଥାନରେ ସ୍ଵାଭାବିକ ଠାରୁ ସାମାନ୍ୟ ଅଧିକ ବର୍ଷା ହୋଇପାରେ। ତେବେ ଦେଶରେ ସ୍ୱାଭାବିକଠାରୁ ଅଧିକ ବର୍ଷାର ସମ୍ଭାବନା ରହିଥିବା ନେଇ ଭାରତୀୟ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି।
ଉତ୍ତର – ପୂର୍ବ ରାଜ୍ୟଗୁଡ଼ିକ ସମେତ ଓଡ଼ିଶା, ପଶ୍ଚିମବଙ୍ଗ ଓ ଛତିଶଗଡର କେତେକ ସ୍ଥାନରେ ନିଅଣ୍ଟିଆ ବର୍ଷା ହେବ। ଏଥର ଦକ୍ଷିଣ – ପଶ୍ଚିମ ମୌସୁମୀ ପ୍ରାରମ୍ଭରେ ଏଲ୍ – ନିନୋ କ୍ରମେ ଦୁର୍ବଳ ହୋଇପାରେ। ମୌସୁମୀ ଦିତିୟାର୍ଦ୍ଧ ତଥା ଅଗଷ୍ଟ ମାସ ବେଳକୁ ଲା – ନିନା ସକ୍ରିୟ ହେବାର ସମ୍ଭାବନା ରହିଛି। ଆଇଏମଡି ପକ୍ଷରୁ ଜାରି ବିଜ୍ଞପ୍ତି ଅନୁଯାୟୀ ୨୦୨୪ ମୌସୁମୀ ଋତୁ ମଧ୍ୟରେ ସାରା ଦେଶରେ ୧୦୬% ଅଧିକ ବର୍ଷା ହେବ, ଯାହାକି ସ୍ଵାଭାବିକଠାରୁ ଅଧିକ।
ଉପସ୍ଥାପନା – ଦିବ୍ୟା ଭାରତୀ ନାୟକ
