ଫସଲରେ ଅଧିକ ରାସାୟନିକ ସାର ଓ କୀଟନାଶକ ବ୍ୟବହାର କରାଯାଉଛି, ଯାହାଦ୍ବାରା ଜମିର ଗୁଣବତ୍ତା ନଷ୍ଟ ହେଉଛି ଏବଂ କ୍ୟାନ୍ସର ଭଳି ମହାମାରୀ ରୋଗ ବ୍ୟାପୁଛି। ଅର୍ଗାନିକ ବା ଜୈବିକ ଚାଷର ସୁବ୍ୟବସ୍ଥା ପାଇଁ ମାନ୍ୟବର ସରକାର ଆଲୋଚନା କରିଛନ୍ତି। ଚାଷୀମାନେ ଅଧିକ ପରିମାଣରେ କୀଟନାଶକ ଏବଂ ରାସାୟନିକ ସାରର ବ୍ୟବହାର କାରଣରୁ ବିଭିନ୍ନ ଜିଲ୍ଲାରେ କର୍କଟ ରୋଗୀଙ୍କ ସଂଖ୍ୟା ବଢୁଥିବା ଦେଖାଦେଇଛି। ଆଉ ଏଥିପାଇଁ ବଳଭଦ୍ର ଜୈବିକ ମିଶନକୁ କାର୍ଯ୍ୟକାରୀ କରିବା ପାଇଁ ସରକାର ଗୁରୁତ୍ୱ ଦେଉଛନ୍ତି। ଜୈବିକ ଚାଷ କ୍ଷେତ୍ରଫଳ ବୃଦ୍ଧି ପାଇଁ ସରକାର ପ୍ରତିଶୃତିବଦ୍ଧ ବୋଲି ମନ୍ତ୍ରୀ କହିଛନ୍ତି।
ଅଧିକ ଉତ୍ପାଦନକାରୀ ରାଜ୍ୟ ପଞ୍ଜାବ ଭଳି ଅନେକ ରାଜ୍ୟରେ ମୃତ୍ତିକାର ମାନ ହ୍ରାସ ପାଉଛି। କିନ୍ତୁ ଓଡ଼ିଶାରେ ମାଟି ଉର୍ବର ରହିଛି ବୋଲି ଭଲ ଚାଷର ସମ୍ଭାବନା ଥିବା ନେଇ ଆକଳନ କରାଯାଇଛି, ଯଦି ଦିନକୁ ଦିନ ଜୈବିକ କୃଷିକୁ ଅଧିକ ଗୁରୁତ୍ବ ନଦେଇ ଅତ୍ୟଧିକ ପରିମାଣରେ ରାସାୟନିକ ସାର ଓ କୀଟନାଶକ ପ୍ରୟୋଗ କଲେ ଓଡ଼ିଶାରେ ମଧ୍ୟ ମୃତ୍ତିକା ଅନୂର୍ବର ହେବାର ସମ୍ଭାବନା ରହିଛି। ପାଣିର ଅଭାବ ପାଇଁ ଖରିଫ ଫସଲ ପରେ ଚାଷ ଜମି ଗୁଡିକ ପଡିଆ ରହୁଛି। ପାଣି ବ୍ୟବସ୍ଥା ଥିବା ଜମି ଗୁଡିକରେ ଡାଲି ଜାତୀୟ ଫସଲ କରାଯାଉଛି। ଜଳ ସମ୍ପଦ ବିଭାଗ ସହିତ ମିଶି ବିଭିନ୍ନ ପଦ୍ଧତିରେ ଜଳସେଚନ ପାଇଁ ପ୍ରକଳ୍ପ କାର୍ଯ୍ୟକାରୀ ମଧ୍ୟ କରାଯାଉଛି।
ଉପସ୍ଥାପନା – ଦିବ୍ୟାଭାରତୀ ନାୟକ