ନଗଡ଼ାର ପାହାଡ଼ି ଢାଲୁ ଜମି ପାଲଟିବ ଆଳୁ ଓ ହଳଦୀ ଚାଷର ପ୍ରୟୋଗଶାଳା। କୃଷି ଓ କୃଷକ ସଶକ୍ତିକରଣ ବିଭାଗ ଉଦ୍ୟମରେ ସ୍ଥାନୀୟ ଅଧିବାସୀ ପାରମ୍ପରିକ ପୋଡୁଚାଷ ଛାଡ଼ି ଉଦ୍ୟାନକୃଷି ପ୍ରତି ଆଗ୍ରହ ପ୍ରକାଶ କରିଛନ୍ତି। ଏଥିପାଇଁ ବିଭାଗ ପକ୍ଷରୁ ସମସ୍ତ ସହାୟତା ଯୋଗାଇ ଦିଆଯିବ ବୋଲି ପ୍ରତିଶୃତି ମଧ୍ୟ ଦିଆଯାଇଛି। ଚଳିତ ବର୍ଷଠାରୁ ରବି ଋତୁରେ ନଗଡାରେ ଆଳୁ ଚାଷ ଆରମ୍ଭ ପାଇଁ କ୍ଷେତ୍ର ପ୍ରସ୍ତୁତ କରାଯାଇଛି। ଆସନ୍ତା ଖରିଫ୍ ଋତୁରେ ଏଠାରେ ସୁରମା କିସମର ହଳଦୀ ଚାଷ କରିବା ପାଇଁ ଯୋଜନା ରହିଛି ବୋଲି କୃଷି ଅଧିକାରୀ ଶ୍ରୀ ଭଞ୍ଜ କହିଛନ୍ତି।
ମାନ୍ୟବର କୃଷି ଅଧିକାରୀ ତଳ, ମଝି ଓ ଉପର ନଗଡାର ବାଡି ବଗିଚା ବୁଲି ସୋରିଷ, କଦଳୀ, ଅମୃତଭଣ୍ଡା, ମାଣ୍ଡିଆ ଚାଷ ଦେଖିବା ଅବସରରେ ସେମାନଙ୍କ ଚଳଣି ଓ ସାଧାରଣ ଚାଷବାସ ଏବଂ ଉଦ୍ୟାନ କୃଷି ଓ ମୃତ୍ତିକା ସଂରକ୍ଷଣ କାର୍ଯ୍ୟଧାରା ସମୀକ୍ଷା କରିଛନ୍ତି। ନାଗାଡ଼ା ମହିଳା ମାନଙ୍କୁ ନେଇ ପୁଷ୍ଟିଯୁକ୍ତ ଖାଦ୍ୟ ଓ ପୋଷାକ ତତ୍ତ୍ଵ ସମ୍ପର୍କରେ ଆଲୋଚନା କରିଛନ୍ତି। ଘର ଓ ଅଗଣା ପାଖରେ ପୁଷ୍ଟି ଉଦ୍ୟାନ ପାଇଁ ଆଗ୍ରହୀ ଜୁଆଙ୍ଗ କୃଷକମାନଙ୍କୁ ଆନୁଷଙ୍ଗିକ ସରକାରୀ ସହାୟତା ଓ ପ୍ରୋତ୍ସାହନ ଯୋଗାଇ ଦିଆଯିବ ବୋଲି କୁହାଯାଇଛି।
ଉପସ୍ଥାପନା – ଦିବ୍ୟାଭାରତୀ ନାୟକ