ସାରା ରାଜ୍ୟରେ ମିଶନ୍ ଶକ୍ତି ମହିଳା ମାନେ ଏବେ ଉଦ୍ୟୋଗର କଥା କହୁଛନ୍ତି । ରାଜ୍ୟ ସରକାରଙ୍କ ସହଯୋଗ ଓ ମାନ୍ୟବର ମୁଖ୍ୟମନ୍ତ୍ରୀଙ୍କ ପ୍ରଚେଷ୍ଟା ଯୋଗୁଁ କେବଳ ରାଜ୍ୟ ନୁହେଁ ଜାତୀୟ ସ୍ତରରେ ମିଶନ୍ ଶକ୍ତି ମହିଳା ମାନେ ନିଜର ପାରଦର୍ଶିତା ଦେଖାଉଛନ୍ତି । ଏହି ଉପକ୍ରମରେ ମୟୂରଭଂଜ ଜିଲ୍ଲାର ରାଇରଂଗପୁର ବ୍ଲକ ଅଫିସ ପରିସରରେ ଆରମ୍ଭ ହୋଇଛି ମିଶନ୍ ଶକ୍ତି କାଫେ । ରାଇରଙ୍ଗପୁର ବ୍ଲକ ସ୍ତରୀୟ ମହାସଂଘ ଦ୍ୱାରା ଏହି କାଫେ ପରିଚରାଳିତ । ମା ମାନଙ୍କ ହାତ ତିଆରି ସୁସ୍ୱାଦୁ ଖାଦ୍ୟର ମଜା ଏଠାରେ ଲୋକ ନେଇପାରିବେ । ପ୍ରଥମ ଦିନରେ ୧୫୦ରୁ ଉଦ୍ଧ୍ୱର୍ ବ୍ୟକ୍ତିବିଶେଷ ଏହି କାଫେ ବୁଲିବା ସହ ଜଳଖିଆ ଓ ମଧ୍ୟାହ୍ନ ଭୋଜନ ମଧ୍ୟ କରିଥିଲେ । ଗୋଟିଏ ଦିନରେ ୧୮୦୦୦ ଟଙ୍କାର ବ୍ୟବସାୟ କରିଥିଲେ ଏହି କାଫେର ମା ମାନେ ।
